09
05.2016

【4大隱世遊樂場】岩石公園 X 草原公園 X 恐龍公園 X 月球公園

親子育兒   生活品味   攝影寫真  

一家大細放假又係去佐敦谷? 迪欣湖? 中山紀念公園定係維園?

 

不如試吓去九龍區四大隱世主題遊樂場啦!

 

 

【岩石主題觀塘 彩榮路公園 Choi Wing Road Park

 

 

搭綠Van到彩福邨總站落車就會見到一楝好高嘅電梯, 岩石公園就喺上面

 

 

 

沿住木天橋行過去就係兒童遊樂場

 

 

 

 

 

有個俾人休息嘅地方,呢度都幾適合做一個舞台仔喺度表演

 

 

 有d櫈同枱可以俾呀伯喺度捉吓棋

 

 

 

仲有呢個岩石梅花樁

 

 

附近亦設有d岩石嘅介紹同資料!

 

 

嘩原來上到嚟望番落去都好壯觀!

 

真係要讚多次設計師設計得呢個公園好靚

 

 

 

第二層冇咩特別,只係有個太極園有埋好多休憩區

 

望去左手邊就係一大座礦石山

 

 

 

 

 

 

大家可以放心呢度係有洗手間嘅!

 

唔好以為呢度咁高急尿唔知去邊度好!

 

 

廁所裡面一樣係有岩石

 

 

洗手間對出有間房好似有部好大嘅機器喺裡面

 

其實呢個係展示的廁所污水作沖廁水循環系統 (Grey Water System)。

 

除咗呢度、佐敦谷公園和彩禧路公園都採用此系統。

 

圖中介紹點樣一個又一個嘅步驟唔知同岩石有冇關呢?

 

 

觀塘 彩榮路岩石系公園 簡介

彩榮路公園就在平山彩霞邨對開山上,前身是平山石礦場。2001年,香港政府決定將位於九龍觀塘區平山已經停止運作26年的平山石礦場地段發展,將此地由一個由廢棄石礦場改造而成為社區公園!而且以岩石公園為主題,教育大眾地理的知識。

 

 

地址

彩榮路 88 號

 

開放時間

24小時


費用

免費入場


交通

專線小巴 83A 由彩虹站坪石到總站彩福邨 (彩榮路公園)

【草原主題黃大仙 牛池灣公園 Ngau Chi Wan Park

 

 

我哋一早去稻香飲咗個靚茶, 就出發去牛池灣公園, 我哋搭港鐵去到彩虹站

 

 

A2出口直行到專線小巴站, 搭16A/ 16B/ 16S都冇所謂! 視乎你去牛池灣公園邊個平台

 

16A 坪石 > 牛池灣豐盛街, 豐盛街紀律部隊宿舍 (可到豐盛街西面中平台)

16B 坪石 > 曉暉花園 (可到豐盛街西面低平台)

16S 坪石 > 峻弦 (可到豐盛街西面高平台)

 

 

 

我哋搭咗16A(只需$3.4)去到紀律部隊宿舍落車(只需5分鐘), 其實行上去都只係要15分鐘

 

對面就已經係牛池灣公園既中平台

 

 

 

 

 

 

中平台設有兒童遊樂場, 緩跑徑, 大草地, 涼亭等!

 

環境好舒服, 非常少人!

 

 

 

 

 

 

 

 

 

 

每層平台都設有太陽能收集器! 我估係夜晚時侯供應番公園內既燈光, 真係好環保

 

 

之後我哋就喺涼亭度休息, 小朋友就繼續喺草地上玩, 之後陸續有些人嚟喺草地上野餐!

 

 

喺中平台分別有樓梯往返高低兩個平台

 

 

上到嚟高平台發現又一個世外桃源! 一個起大面積既大草地!

 

 

 

不過草地範圍內有多塊大石, 所以小朋友喺度跑都要小心D!

 

同樣設有洗手間及兒童遊樂場, 緩跑徑同一些長者設施唔少得!

 

 

遊樂場都唔算太細, 足夠俾小朋友喺度放電

 

 

 

 

(從兒童遊樂場影向大草地)

 

 

最後我哋就落埋去最低平台, 我哋穿過中平台沿樓梯向下落到低平台!

 

 

低平台沒有任何草地, 只係一個比較簡單既公園, 同樣設有遊樂設施, 不過適合較少的小朋友

 

見到有多個雪榚筒放咗喺地上, 應該係因為舖地的木板撓起了, 所以小朋友要小心點

 

除咗高平台嗰隻河馬之外, 原來低平台都有呢樣怪怪的Monster! 有好多隻腳仲著住唔同既鞋

 

 

 

 

牛池灣公園 簡介

公園佔地約四公頃,由四個平台組成,一個位於豐盛街東面,另外三個(高、中、低)位於該條街道的西面。位於東面的平台提供體育設施,包括射箭場和籃球場;而位於西面的三個平台則提供休憩設施,包括緩跑徑、太極園、長者健身角、兒童遊樂場、健身站、迷宮花園和水牛雕塑水池。

 

地址

九龍黃大仙牛池灣豐盛街71號


開放時間

每日上午6時30分至晚上11時


網頁

http://www.lcsd.gov.hk/tc/parks/ncwp/index.html


電話

2322 9437


電郵

ncwp@lcsd.gov.hk

 

恐龍主題】彩虹 坪石遊樂場 Ping Shek Playground

 

 

沿住彩虹A出口後山樓梯行上去10-15分鐘就到

 

 

 

呢度除咗個兒童遊樂場之外仲有網球場,足球場同藍球場!

 

 

 

周圍都有恐龍嘅裝飾, 連每條柱都油上紅蕃圖案

 

 

 

 

呢個都算係遊樂場嘅景點之一, 一大條恐龍瞓咗喺度!

 

 

遊樂場嘅另一邊係瀡滑梯同埋一D化石設施

 

沿住隔離呢條施轉樓梯行去可以到其他球場

 

 

 

 

山洞裡面都唔係求求其其喎

 

連石牆上面都有恐龍化石嘅石紋

 

 

 

就係呢個小小升降台啦, 個升降台會自動升到上層, 然後小朋友可以企上去,按住小朋友嘅體重有唔同速度下降

 

咁大粒恐龍蛋!仲有咁大隻蚌...好多粒珠....

 

 

 

呢度有個超安全韆鞦!

 

 

 

 

 

之後同佢哋中場休息, 上咗去散步行吓去吓洗手間飲吓水

 

 

 

原來上面有咁多恐龍牙!定係角?

 

 

 

 

瀡滑梯呢度有個吊橋凸出嚟

 

哥哥喺度un un un又喺度整到呀妹驚驚!

 

真係超級衰!攪到呀妹又喊啦

 

 

 

然後發現旁邊有個超大嘅鑊成個人造衞星咁!

 

在大鑊嘅中央有個一個簡單嘅圖示, 原來鑊有兩邊,彼此對住

 

只要向其中一邊的大鑊細細聲講嘢, 對面的鑊會聽到對方把聲, 真係好神奇,隔咁遠都可以聽到把聲

 

 

 

最後可沿路落番去, 10分鐘路程便到彩虹港鐵站A出口

 

呢度實在係一個世外桃源,值得再嚟!

 

 

 

 

坪石遊樂場 簡介

坪石遊樂場佔地約3公頃,場內設有多種康樂設施,包括籃球場、七人足球場、網球場、緩跑徑及兒童遊樂場等。其中兒童遊樂場的設計以遠古恐龍時代為主題,配合仿古化石與圖騰裝飾,使兒童仿如置身於「恐龍歷險世界」,坪石遊樂場設有三個主要出入口,分別可從坪石邨、彩雲邨及彩德邨進入。

 

 

地址

九龍平山彩石里

 

開放時間

每日上午6時至晚上11時

 

交通

港鐵彩虹站步行約7分鐘

 

電話

2324 4302

 

 

月球主題】油麻地 京士柏遊樂場 King's Park Recreation Ground

 

 

大家可從油麻地配水庫樓梯直落5分鐘便到, 或從窩打老道行上山15-20分鐘

 

 

 

呢個後花園特色之處係佢用咗登陸月球做主題, 公園內有個像月球表面既設施

 

俾小朋友可以當攀石咁玩, 爬嚟爬去! 個月球表面都做得幾靚架! 如果一大班小朋友嚟玩, 大一人佔一個窿, 張相一定影出嚟好靚!

 

 

有芊芊, 點少得打鞦韆!

 

 

呢個咁大座既月球表面有條小秘道俾小朋友行上去, 用嚟玩伏匿匿就最啱!

 

 

隔離呢條滑梯真係無得嘆! 又直又長又闊落又安全!

 

 

 

 

 

 

 

呢邊有支大火箭! 加埋佢有少少殘殘舊舊真係好似壞咗要維條既太空船一樣!

 

其實佢只不過係一個小隧道似個涼亭, 兩側有櫈俾人坐低休息!

 

 

穿過火箭出番嚟有D好似恐龍化石咁既場景!

 

 

 

另一邊就有傳統既瀡滑梯設施玩!

 

 

 

 

京士柏遊樂場 簡介

今年踏入20周年的「香港麥當勞叔叔之家TM」,多年來為病患兒童及其家人,在治療期間提供溫暖的臨時家園。「麥當勞愛心童樂日TM」的重點項目「兒童愛心馬拉松」將於3月27日舉行,以此為「麥當勞叔叔之家慈善基金®」籌款,讓更多有需要家庭受惠。各位小朋友和家人,齊來大踏步,讓愛心跑起來!

 

地址

 

九龍油麻地京士柏道23號

 

開放時間

上午7時至晚上11時


電話

2385 8985

 

(以上資料更新至文章當日)

 

Photo by CANON 5D Mark III, Len | EF 24-70mm f2.8L USM

 

呀劍總評分: 10分

 

呀劍評語: 有陣時要搵一個悠閒寧靜又附設兒童遊樂場的公園真係唔容易! 又好怕多人跑嚟跑去容易整親, 又好怕打個韆鞦都要排隊, 所以呢幾個隱世公園簡直冇得頂! (以上公園均禁止狗隻及踏單車活動)

 

 

Facebook專頁: 呀劍萬帥 kimfamilytraveltips

 

Blog網誌 : kimfamilytravel.blogspot.hk

發表於2016.5.09
留言(0)
博客名稱:
呀劍萬帥
網誌名稱:
呀劍萬帥 • 親子旅遊 • 攝影札記
使用天數:1,784
年齡:4
電郵:kimfamilytravel@yahoo.com.hk
按月份瀏覽
    2021
  • 一月
  • 二月
  • 三月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 戀愛心情
  • 文化政經
  • 其他
  • 台灣館
自行分類
最新留言
熱門文章
  • 【親子好去處】大埔 嘉道理農場暨植物園 Kadoorie Farm & Botanic Garden

    今日同我前世情人拍住拖去嘉道理農場, 因為近近地天氣又好! (不過太好, 熱死人) 哥哥就同媽咪留喺屋企畫畫做功課! 我哋喺元朗搭64K去到嘉道理農場落車, 今日帶咗好耐冇出動既BB車, 在巴士上既乘客好好人, 見我抱住芊芊, 又要搬架BB車, 所以幫我手搬架BB車落去, 一放芊芊落BB車, 佢就醒咗 行番上少少經過安全島行過去對面就是了 可能今日真係太熱, 所以農場好少人 Photo by iPhone 5s Photo by iPhone 5s 我差唔多12:00到, 完全唔駛排隊! 成人1位$30, 呀芊唔駛錢! 呢度有觀光巴士, 如果大家唔想行的話可以俾錢搭巴士遊覽 Photo by iPhone 5s Photo by iPhone 5s

  • 【親子好去處】油麻地 京士柏遊樂場 King's Park Recreation Ground

    城巿中既綠洲, 油麻地既後花園! 以月球做主題的兒童遊樂場 ~ 京士柏遊樂場你有冇去過? 上一站>>CLICK HERE! 【親子好去處】油麻地 油麻地配水庫休憩花園 Yau Ma Tei Service Resevoir Rest Garden 我哋啱啱喺油麻地配水庫休憩花園玩咗兩粒鐘, 但係佢哋兩個仍然叉滿電仲有得放 所以我哋沿住樓梯一直往下走, 見到路口轉右行1分鐘就會見到京士柏遊樂場 呢個後花園特色之處係佢用咗登陸月球做主題, 公園內有個像月球表面既設施 俾小朋友可以當攀石咁玩, 爬嚟爬去! 個月球表面都做得幾靚架! 如果一大班小朋友嚟玩, 大一人佔一個窿, 張相一定影出嚟好靚! 有芊芊, 點少得打鞦韆! 邊個靚女同我玩伏匿匿?! 呢個咁大座既月球表

  • 【親子好去處】元朗 八鄉 大江埔村 復興農場

    早排拎住本農場書睇吓香港仲有咩農場, 跟住見到呢個「復興農場」就好想嚟, 因為佢寫住有鼠睇, 同埋有一大片草地....點知今日去到發現.... 今日要嚟既呢個地方可以話有點神秘!一陣再講點解 ~ ~ ~ 今日係同老婆既結婚6週年紀念,本來諗計劃咗今日係去一個農場,但係諗起今日係週年紀念,冇理由去農場架! 於是一早起身就睇吓邊度好玩,本來有諗過不如唔番教會一次,去迪士尼啦!但係老婆又話早d講可以去買平飛, 跟住我就話去迪欣湖啦然後可以到酒店裡面食tea, 點知打去book枱又話full哂, 如果就咁去迪欣湖真係好似冇咩做,所以諗吓諗吓好晏就決定番咗教會先算, 出門口既時侯呀仔問我,唔係去農場咩(因為之前應承過佢),完咗教會之後都未諗到咩新既地方,所以我哋決定買個外賣然後打的入去呢個農場, 呢個農場叫復興農場,以前都見過呢個名,但

  • 【親子好去處】九龍灣 迪士尼花蛋出遊@MEGABOX

    意猶未盡, 啱啱早幾日去完迪士尼花蛋節! 今日再到Megabox搵花蛋 我哋跳完彈床之後由九展步行10分鐘多去到MegaBox! 因為大家都未肚餓同埋咁啱撞正打工仔食晏時間, 所以我哋直接上到L5中庭搵花蛋去 上一站>>CLICK HERE!【親子好去處】九龍灣 BOUNCE@EMAX 上次喺迪士尼最後都冇機會去反斗奇兵大本營那裡搵花蛋 今日嚟到MegaBox終於有機會同胡迪, 巴斯光年同埋三眼仔花蛋影番張相啦 仲有火腿呀!!!! 但係芊芊成日叫佢做Peppa Pig 因為今日未係公假, 所以商場都係好少人, 我哋影極都冇人跟隊, 同花蛋任影唔嬲! 跟住去到Reception處(其實係售票處)可以拎番本場刊 場刊裡面可以收集圖章! 總共有四個 另外兩個印

  • 【親子好去處】小蜜峰農莊 BeeBeeFarm 螢火營

    再一次嚟到「小蜜峰農莊BeeBeeFarm」,不過今次選擇過埋夜玩足2日1夜,而且節目仲超豐富,除咗摘菜餵羊升哂級之外,今次仲會夜探螢火蟲同摘荔枝,大人細路都玩得超開心。 農莊有6間大小獨立屋,我哋今次就係住呢間坐擁無敵田園景的獨立屋,有個小陽台不特止,仲可行上一層有個天台睇風景。 獨立屋超寛敞喔!三面玻璃窗非常光猛(設有防光窗簾),兩張梳化床跟些梳化坐椅。 而且有雪櫃、大電視及獨立浴室,大家最關心的冷氣當然都有吧! 浴室都幾企理。 按摩椅都有,真係堅! 行出屋外有個無敵大田園景色,真的很舒服很自在。 農莊很多地方都舖滿了這些防曬網,就算天氣超熱都玩得舒服。 行上天台,可以360度睇盡農莊景色。 真係一望無際,平時朝九晚五咁辛苦,可以同一家嚟到呢度真係好舒服。

最新活動

WeShare 送你 Duffy及 Sh...

香港迪士尼樂園由即日至 5 月 29 日...